18.02.2025
Azken hilabeteetan, RPASekin (droneak) 415 ha hegaldatu dira RURALtXA! -ko eremu pilotuetan, proiektuak finantzatutako kontserbazio-jarduketak gauzatu diren edo egitea aurreikusita dagoen eremu guztietan.
3edata enpresak egindako bigarren hegaldi-kanpaina honen helburua da bereizmen handiko irudi multiespektralak eta LIDAR datuak lortzea, giza begiak hautematen ez dituen landarediaren ezaugarriak kontuan hartzen dituzten analisiak egin ahal izateko.
Horrela, txilardiak eta zohikaztegiak lehengoratzeko proiektuaren esparruan planteatutako jardueren jarraipena egin dezakegu, horien eraginkortasuna egiaztatuz eta etorkizunean egingo diren antzeko ekintzetarako ikaskuntza erraztuz. Gainera, lortutako datuek 2025ean oraindik gauzatzeko dauden jarduerak zehatzago planifikatzeko ere balio dute.
Datozen hilabeteetan, proiektuko teknikariek lortutako irudiekin lan egingo dute, lehen kanpainako irudiekin alderatuz. Azterketa horiek uda ostean hobetuko dira, hegaldien hirugarren eta azken kanpainako datuak lortzen direnean.