19.05.2025
Os días 7 e 8 de xuño celebramos esta experiencia piloto de “Saberes do Monte”, unha marca creada ao abeiro do proxecto RURALtXA!, centrada na conservación da biodiversidade a través da bioeconomía.
Gastronomía E ecoturismo
Durante a fin de semana, numerosos restaurantes dos concellos de Abadín, Barreiros, O Valadouro, Foz e Mondoñedo, incluirán nas súas cartas tapas e pratos elaborados con carne de tenreira, poldro e mel, producidos na Serra do Xistral baixo a marca “Saberes do Monte”. En concreto participan os seguintes restaurantes:
O evento dará inicio o sábado 7 de xuño ás 11:30 no restaurante Asturias, en Ferreira do Valadouro, onde se presentará a marca e se levará a cabo un showcooking inspirado nos sabores do monte ao cargo do chef Juan Rubiños do Restaurante Il Farabutto (Lugo), en colaboración coa Asociación Cociñeiros de Lugo.
A experiencia completarase o domingo de 10 a 14 h coa ruta guiada pola Serra do Xistral “Roteiro do Saber”, unha experiencia de ecoturismo que permitirá coñecer, de primeira man, coa colaboración de guías locais, como os produtores locais contribúen á conservación dos ecosistemas como as turbeiras e os queirogais grazas aos seus métodos tradicionais de manexo e produción, así como a observación de cabalos salvaxes no seu hábitat.
Link ao programa da experiencia piloto.
O “Roteiro do Saber” require inscrición e facilitarase un autobús con saídas dende Abadín e O Valadouro.
🧾Link ao formulario de inscrición.
Saberes do Monte
Saberes do Monte é unha marca colectiva que nace para poñer en valor os produtos procedentes de áreas de montaña galegas que axudan á conservación dos hábitats e ao desenvolvemento das comunidades rurais.