24.03.2023
Ao longo destes meses completáronse as reunións iniciais coas Comunidades de Montes que participan en RURALtXA!. Persoal técnico da UDC e da USC reuniuse con máis de 50 representantes para presentar o proxecto.
Entre estas reunións, o pasado 24 de marzo presentouse o proxecto na Casa do Concello de Abadín a un total de 20 representantes das Comunidades de Montes Veciñais en Man Común (CMVMC) da Serra do Xistral que anteriormente participaran no proxecto LIFE in Common Land. O encontro serviu para que os comuneiros trasladasen as súas principais preocupacións así como a súa visión sobre os problemas que sofre a Serra do Xistral e sobre os que o proxecto RURALtXA! tentará actuar para mellorar a calidade de vida dos gandeiros de cuxa actividade depende a conservación dos hábitats de brezales húmidos e turberas.