19.09.2025
O pasado mes de maio, Emilio R. Díaz Varela, profesor titular da Universidade de Santiago de Compostela, estivo no “I Encontro do Observatorio dos Montes En Man Común e Baldíos”, cun relatorio sobre a importancia dos sistemas de pagos por resultados e a posta en valor das actividades económicas para a conservación da biodiversidade e a provisión de servizos ecosistémicos.
Este evento, celebrado na Facultade de Ciencias Económicas e Empresariais da Universidade de Vigo, reuniu a 80 representantes de comunidades de montes, grupos de investigación universitarios e persoal das administracións públicas, coa participación especial de Tobias Haller, coordinador rexional da International Association for the Study of the Commons (IASC).
O Observatorio exponse como un espazo de colaboración entre universidade e comunidades, orientado a mellorar o coñecemento sobre a creación de valor social e a implementación de boas prácticas na xestión do monte.
Podes gozar do seu relatorio e do resto da xornada no 👉🏼seguinte link